|
De ole Trumpet In´n Krog övern Utschank anne Wand, wo Pokale un Kröge to bekiecken, hängt een Trumpet so blitzeblank, tüügt vun vergohne Tieten! Harr väle Johr angäm dan Ton, to´n Danzen un Marschiern, hüng nu to Roh, in ehr Penschonn, ward bruckt nich mehr ton Fiern! De Musikant, de jüm harr spält, woll över veerdig Johr; sick recht un slecht dörchs Läven quält, em füli de Avscheed swor! He dä dan helln Klang noch hörn, vun sien Trumpet mit lichte Delln, se harr´n goldnet Mundstück vörn, kunn manniget vertelln! As kind harr he vun´n Wihenachtsmann, een lütt Trumpet schenkt krägen, dä dormit tuuten dan un wan, de Musik luut to plägen! Irst löre wörr dat Blosen lihrt, uné groode Trumpet no Takt un Noten, mit´n Rad ton Musikmoken föhrt, in Schüün und Sool un inne Schooten! Upspält ton Danzen väle Mol, ton Ball bi groode Feste, bröch bannig Stimmung in´n Sool, de Blosmusik wörr´t beste. Un morns dorno, dat Rad wörr schoben, dat wörrn de Seborger “Swatten Raben”! Musik mök Adolf Behrens ok drall, inne Werkskapell bi Rheinmetall!![](../assets/images/abehrens.gif) De Trumpet bi “Spiller” anne Wand, nu lies, se spält nich mehr, tofräden seggt de Musikant: “Is recht, so hört hierher! In´t Hus, wo se luut orre sacht, bi Blosmusik dan Ton angäm, het lustig spält so mannige Nacht, wo is de Tiet bloos bläm?”
Hinnerk Voigts
Füerwehrkapell Seborger-Oldendörp
Musiker: Walter Pfuhl, August Techmann, Oberin, Hermann Müller, Albert Sauer, Adolf Behrens, August Meyer (Möhlen August), Hermann Schwark, Albert Martens (Martens Vati).
GPS N 52°53.668´ O 010°26.801´
|
|
|
|
|